Dy moderatoret simpatike, Marina dhe Luana Vjollca, kanë treguar se kanë një lidhje shumë të ngushtë me familjen, në veçanti me dy motrat e tjera. I kemi parë shpesh të kalojnë pushimet pranë tyre dhe as këtë vit nuk mund të mungonte ky ritual. Moderatoret së bashku me motrën e madhe, Lirën dhe partnerin e Marinës, Getoarin, po shijojnë pushimet në Austri. Ata kanë zgjedhur një nga vendet më të bukura malore dhe duken shumë të lumtur larg stresit dhe punëve të përditshme.
Luana dhe Marina kanë preferuar gjithmonë që në ditët e tyre të pushimit t’i shoqërojnë edhe njerëzit më të afërt, për të krijuar kujtime të bukura së bashku. Pas një sezoni të gjatë në ‘Shiko kush luan’ këto janë pushimet e para për këtë vit për Luanën dhe prandaj ajo ka treguar se i ka pritur me padurim këto ditë. Pritet që pas disa muajsh, jo vetëm Luana, por edhe Marina të rikthehen sërish në ekran. /revistawho.com
