Maratona e Tiranës, bëri bashkë sot të mëdhenj e të vegjël, të famshëm e jo, në vrapimin disa kilometra në rrugët e kryeqytetit. E mes shumë njerëzve që u bënë pjesëmarrës ishte dhe një burrë 68-vjeçar, që është babai i një prej këngëtareve më të mira shqiptare, Mariza Ikonomi. Në postimin e saj dedikuar të atit, Mariza shprehet shumë krenare për forcën e tij.
“Shumë krenare për babushin tim, 68 vjeç (po që duket si 48), i shtruar disa herë në spital me probleme zemre e prapë nuk dorëzohet, sepse vrapi e fizkultura i japin gëzim dhe forcë. Edhe mua më frymëzonte kur e shihja çdo mëngjes para se të shkonte në punë, merrte biçikletën e shkonte tek liqeni pa përtesë për të vrapuar në ajër të pastër. Futbollist i shkëlqyer, i ri, por gjithë jetën mbeti me shpirt sportisti. Je më i miri babush Pandi Ikonomi! Të kam shumë xhan! #maratonaetiranes #marathonrunner #mydad”, – ka përfunduar ajo.
https://www.instagram.com/p/BaRepcAFb68/?taken-by=ikonomimariza
