Marjana Kondi pavarësisht se është një personazh publik nuk ka zgjedhur të flasë shpesh për familjen e saj. Megjithatë kur vjen puna tek mbesa, aktorja e njohur nuk ka se si të kurseje disa fjalë të mbushura me dashuri. Ditën e sotme vogëlushja feston ditëlindjen dhe ajo ka vendosur ta urojë me fjalët më të ëmbla që mund të keni dëgjuar ndonjëherë.
“Mbesa ime feston ditëlindjen. Ajo çdo ditë feston dhe gëzon dhuratat tona. Jo vetëm dashuri dhe përkujdesje për të, çdo ditë vëmendje për të. Vëmendjen e saj nuk e merr as ‘Facebook’, as teatri, as poltitika, as ‘showbiz’, as problemet ekonomike, as shoqëria, askush dhe asgjë. Të mos humbasim gëzimet e përditshme që na falin fëmijët, mos të humbasim momentet e tyre të lumturisë për sa e sa gjëra të tjera, në dukje të rëndësishme, por jo të vyera sa fëmijët tanë. Gëzuar mbesa ime, ne jemi çdo moment me ty jo vetëm sot. Nuk duhet të pres datën 16 për të të gëzuar apo për të kuptuar që ti je qendra e botës tonë. Këtë ne e bëjmë çdo ditë. Të bekuar që bota juaj nuk përlyhet nga gjithë sa ju rrethon”, ka shkruar Marjana në foton me vogëlushen.
Aktorja gëzon një dashuri shumë të madhe për të dhe sot ka zgjedhur ta ndajë me gjithë ndjekësit e saj këtë ditë të veçantë./revistawho.com
