Irma Libohova është një nga këngëtaret që gëzon një karrierë shumë të gjatë në skenën shqiptare. Ajo ka arritur të jetë fituese e shumë çmimeve në kompeticione të ndryshme dhe këngët e publikuara prej saj janë dëgjuar për një kohë shumë të gjatë.
Së fundmi ajo ka qenë e ftuar në emisionin ‘E diell’, në ‘Top Channel’, ku ka ndarë disa detaje më shumë rreth jetës së saj. E pyetur nga gazetari Ervin Kurti nëse i pëlqen fjala gjyshe, ajo ka thënë se e ndjen veten një gjyshe ‘trendy’.
Përveç kësaj ajo ka treguar dhe se çfarë vjehrre është me nusen e saj. Irma ka dhënë një këshillë për të gjitha zonjat që pritet të bëhen vjehrra dhe ka thënë se që marrëdhënia të jetë sa më korrekte i qëndron kësaj shprehje: “Merri punët qetë e qetë, gjithë secili tek shtëpia e vetë”.
Ajo ka folur dhe për momente të tjera nga jeta e saj, duke risjellë dhe njëherë kujtimet e hershme të këngëtares./revistawho.com
