Kim Kardashian, këtë vit ka marrë për Krishtlindje një dhuratë që për nga rëndësia, ja kalon çdo dhurate luksoze që mund të ketë marrë ndonjëherë.
Siç e dimë, Kim vuan prej kohësh nga Psoriasis, një sëmundje e lëkurës e cila shfaqet dhe largohet herë pas here, nuk kurohet, por mund të mbahet nën kontroll.
Në një foto të publikuar në llogarinë e saj në ‘Instagram’, Kim duket mjaft e lumtur, pasi shenjat e lëna nga kjo sëmundje në lëkurë janë mjaftë të zbehta. “O zot Psoriasis-i im pothuajse është zhdukur, dhurata më e mirë për Krishtlindje”, – shkruan Kim.
35-vjeçarja është diagnostikuar se vuante nga kjo sëmundje në vitin 2010, kur u vizitua nga një dermatolog gjatë një episodi të “Keeping Up With The Kardashians”. Prej shumë kohësh Kim bashkëjeton me këtë problem, të cilin e ka pranuar si pjesë të sajin, pasi në shumë dalje publike evidentohet shumë qartë, sidomos tek këmba e djathtë.
Psoriasis përkeqësohet kryesishtë nga stresi dhe fakti që lëkura e saj tashmë është përmirësuar, tregon se bukuroshja po kalon një periudhë të qetë në këtë sezon festash. / revistawho.com
