Armina Mevlani ka zbuluar disa gjëra që ndjekësit ishin kuriozë të dinin për të, duke filluar nga masa e saj e trupit, maskat që përdor dhe deri tek dëshirat e saj më të mëdha. Bloggerja gjithashtu tregoi se do të dëshironte të ndryshonte dy gjëra të rëndësishme në botë, të cilat asaj nuk i pëlqejnë.
“Do doja shumë të bëja diçka për martesat e vajzave nën moshën 18 vjeç, ndonjëherë martohen edhe 7-8 vjeç në Yemen me burra shumë më të mëdhenj në moshë, të cilët abuzojnë me to. Dua që bota ta dijë dhe shumë shpejtë do të përgatis diçka lidhur me këtë. Dua edhe të ndaloj keqtrajtimin e kafshëve kudo në botë. Dua të bëj diçka për të drejtat e kafshëve me shpresën sa më shpejtë”, ka shkruar Armina krah pyetjes së ndjekëses së saj.
Kujtojmë se ky është një fenomen mjaft i përhapur në botën e tretë.
