Një martesë pa festë dhe gjëra të ngjashme, kështu zgjodhi ta celebroj dashurinë Bes Bitraku, aktori i shumë roleve në teatër dhe së fundmi i aktivizuar me “Qesh mirë kush qesh i fundit”. Ai vet nuk publikoi gjë, por dëshmitari dhe miku i tij, Florian Agalliu e nxori zbuloi. Ai tregoi me anë të një video pak momente nga celebrimi, ndërsa Besi dhe partnerja e tij po firmosnin.
Partnerja e tij quhet Irini Ziu dhe është arkitekte e piktore. Mesa kuptuam ajo është në pritje të ëmbël të fëmijës së parë me aktorin, e kjo duket se është arsyeja që celebrimi ndodhi kështu, krejt natyrshëm, në një nga njësitë bashkiake të Tiranës. Besi nuk na kish treguar asgjë për të rejat në jetën e tij private, pasi profilin e mban krejtësisht profesional, por partnerja dhe miku i tij na i treguan të gjitha.
