Mbrëmjen e sotme futbollisti i njohur i kombëtares shqiptare, Elseid Hysaj është kthyer në vendlindjen e tij për të kurorëzuar me martesë dashurinë disavjeçare me Fiorenza Lekstakaj. E gjithë dasma është organizuar në kalanë e Rozafës në Shkodër me rreth 500 të ftuar. Mbrëmjen e sotme kalaja është transformuar e gjitha me drita të shumta dhe nga pamjet e publikuara nga miqtë e Elseidit i gjithë ambienti duket shumë i ngrohtë.
Ermal Fejzullahu, një nga të ftuarit, ka publikuar në ‘Instagram’ momente të ndryshme nga dasma, në të cilat shihet se Fiorenza ka veshur një fustan të bardhë madhështor, ndërsa Elseid një kostum të zi.
Çifti janë pritur me duartrokitje të shumta në hyrje nga miqtë dhe familjarët e tyre dhe dasmën e kanë hapur me një këngë mjaft romantike nga John Legend, “All of me”.
Alketa Vejsiu, e cila është marrë me organizimin e dasmës bashkë me kompaninë e saj, “Class AV Evenets”, ka zbuluar se me donacionet e Hysaj është rindërtuar një pjesë e kalasë së Rozafës. Kujtojmë se Elseid dhe Fiorenza kanë disa vite që jetojnë një histori të bukur dashurie dhe janë prindër të një djali 3-vjeçar. /revistawho.com
