Duke filluar nga dita e hënë e 27 Prillit do të fillojë lehtësimi gradual i masave. Ministrja e Shëndetësisë, Ogerta Manastirliu u shpreh këtë të diel se është Komiteti Teknik i ekspertëve që ka hartuar strategjinë e rihapjes.
“Duke filluar nga dita e hënë, datë 27 Prill, do të zgjerohet fasha e lëvizjës për qytetarët nga 90 minuta në 2 orë, duke ruajtur parametrat e sigurisë të distancimit social dhe duke zgjeruar mundësinë e kryerjes së shërbimeve thelbësore në një hapësirë kohore më të gjerë”, tha ministrja.
Po ashtu do të nisin të punojnë disa aktivitete të tjera biznesi. Ministrja tha se ato do të lejohet ta ushtrojnë veprimtarinë nga ora 05:00 deri në 17:30. “Ashtu siç kemi lajmëruar, të hënën në datë 27 Prill do të lejohen të ushtrojnë aktiviteet bizneset si më poshtë: Dyqanet e veshjeve; Të tekstileve; Të këpucëve dhe artikujve prej lëkure; Dyqanet që tregojnë mobilje, pajisje të ndriçimit dhe artikujve shtëpiakë; Dyqanet e luleve, bimëve, të kafshëve të shtëpisë dhe ushqimit të tyre në dyqane të specializuara; Shërbimi Taxi; Dyqanet e pajisjeve elektronike, lodrave për fëmijë, pajisjet sportive, pajisjet e telekomunikacionit; Lista e plotë e bizneseve që hapen nga dita e hënë, gjendet e plotë në portalin E-Albania”, u shpreh Manastirliu.
