Një ndër masat që duhet zbatuar këto ditë për të parandaluar përhapjen e koronavirusit, është vetëizolimi në shtëpi. Vipat e kanë zbatuar thirrjen e autoriteteve për të qëndruar sa më shumë në shtëpi dhe përmes rrjeteve sociale kanë bërë apel që edhe qytetarët ta zbatojnë këtë rregull. “Unë qëndroj në shtëpi” është bërë hashtagu më i famshëm së fundmi dhe më poshtë ju sjellim vetëm disa nga shumë vipat që janë izoluar.
Bes Kallaku ka postuar një video nga shtëpia ku tregon se po e kalon kohën me familjen e tij, duke luajtur me vogëlushen Ajka dhe bën thirrje që të gjithë të ndërgjegjësohen.
https://www.instagram.com/p/B9mrvU1HQg5/
Arbana Osmani gjithashtu po i kalon këto ditë në shtëpi duke luajtur me djalin dhe mbesën. Moderatorja ka postuar disa foto e video ku shfaqet me vogëlushët dhe shkruan se po i kalon këto ditë me njerëzit që do më shumë.
Alban Skënderaj gjithashtu ndodhet në shtëpi me familjen e tij. Këngëtari ka postuar një video ku i kërkon ndjekësve të ruajnë shëndetin e tyre dhe uron që kjo të kalojë sa më shpejt si një kujtim i keq.
https://www.instagram.com/p/B9mWbjxAvNG/
Edhe aktori Olsi Bylyku përmes një videojë nga shtëpia e tij bën thirrje që njerëzit të zbatojnë rregullat, të lajnë duart, të vendosin maskat e të mos frekuentojnë ambiente të populluara.
https://www.instagram.com/p/B9m7wNJHKpx/
“Ne keto dite te veshtira per te gjithe, behuni te pergjegjshem dhe qendroni ne shtepi”, – shkruan Kiara Tito e cila gjithashtu është izoluar në shtëpi.
Këngëtarja shumë e dashur për publikun, Eranda Libohova ka vendosur të qëndrojë në shtëpi dhe këtë e ka bërë të ditur me një video në Instagram. Eranda shprehet se po e shijon ditën me diell nga veranda e shtëpisë dhe bën thirrje që të gjithë të jenë vigjilentë e të kujdesen për shëndetin.
https://www.instagram.com/p/B9l1LDLH2Pz/
Edhe Klea Huta gjithashtu ka dhënë një mesazh nga shtëpia: “Po jam në shtëpi për veten, për ty, për familjen time, për familjen tënde, për prindërit e mi, për prindërit e tu, përgjyshërit e mi dhe për gjyshërit e tu. Dhe përveç kënaqësisë që kam kur rri në shtëpi, pasi pashë disa filma, tani do filloj të lexoj. Pa panik, pa shqetësim, sepse është e rëndësishme të jemi të kthjellët dhe të qetë mendërisht dhe mendoni pozitivisht”.
