‘Master Chef Junior’ është një ndër emisionet e gatimit më të ndjekur në vend. Çiltërsia e fëmijëve dhe talenti i tyre, bëri që emisoni të tërhiqte menjëherë vëmendjen e publikut. Nga java në javë kemi parë gatime të ndryshme, me shije dhe ngjyra të shumëllojshme dhe tani që emisionit po i vjen fundi duket se të gjithë po ndiejnë keqardhje.
Në një intervistë për emisonin ‘Lart e Poshtë’ tre anëtarët e jurisë kanë treguar se si ka qenë kjo eksperiencë me fëmijët. Të tre shefat bien dakord njëzëri se pjesëmarrësit e këtij edicioni të parë kanë treguar aftësi të jashtëzakonshme në kuzhinë, madje është e sigurt se ata i pret një e ardhme e ndritur në këtë fushë. Zonja e vetme e jurisë, Xheraldina Vula, ka treguar se në ‘Master Chef Junior’ është ndier shumë e përkëdhelur nga i gjithë stafi. “Tregonin kujdes për mua jo vetëm si e ardhur nga Kosova, por edhe se jam në moshë pak më të madhe nga dy shefat e tjerë”, – ka thënë ajo. Madje Xheraldina ka treguar se produksioni është treguar mjaft i kujdesshëm për të tre shefat që ata të mos dukeshin të lodhur, për shkak të xhirimeve me orë të gjata.
Ndërsa dy shefat, Juli Zguro dhe Sokol Prenga që kanë eksperiencë disa vjeçare në gastronomi kanë thënë se ‘Master Chef Junior’ do t’i ndihmojë shumë fëmijët për t’u zhvilluar më tej duke qenë se një pjesë e madhe e shohin kuzhinën si profesion. Madje shef Juli është shprehur se disa nga fëmijët mund t’i punësojë edhe në restorantin e tij. Shef Sokoli, ka qenë dhe më parë anëtar jurie në ‘Master Chef’, por kjo me fëmijët sipas tij ishte diçka mjaft e veçantë dhe një përvojë fantastike. Vetëm për këtë javë emsioni do të transmetohet ditën e sotme dhe do të zbulohen se kush do të jenë gjysmëfinalistët e këtij edicioni të parë të ‘Master Chef Junior’. /revistawho.com
https://www.youtube.com/watch?v=Jslj-YGxhas
