Një mjek është akuzuar për vdekjen e aktorit Matthew Perry nga mbidoza e drogës. Ky i fundit ka pranuar fajësinë.
Dr. Mark Chavez ndryshoi deklaratën e tij në një gjykatë në Los Angeles, për akuzën e komplotit për shpërndarjen e ketaminës.
Chavez drejtonte një klinikë të specializuar për ketaminë dhe e shiste atë për Dr. Salvador Plasencia, i cili më pas ia jepte aktorit Perry.
Chavez është njëri prej 5 personave të akuzuar për vdekjen e aktorit.
Aktori 54-vjeçar u gjet i pajetë në shtëpinë e tij në Kaliforninë Jugore 1 vit më parë.
Një autopsi zbuloi një përqendrim të lartë të ketaminës në gjakun e tij dhe përcaktoi se efektet e saj ishin shkaku i vdekjes.
Prokurorët thanë se asistenti i Perry-t, Kenneth Iwamasa, kishte bashkëpunuar me të dy mjekët për t’i siguruar 54-vjeçarit mbi 50,000 dollarë ketaminë në javët para vdekjes së tij.
“Pyes veten sa do paguajë ky idiot.”, shkruante njëri prej mjekëve. Mjeku që ka pranuar fajësinë mund të dënohet me deri në 10 vjet burg.
