Pjesëtarët e serialit “Friends” nuk kanë qenë të pranishëm në ceremoninë e ndarjes së çmimeve “Emmy” ku dhe u nderua dhe figura e Mathew Perry.
“Është ende shumë e freskët [vdekja] për ta,” tha producentja ekzekutive e Emmy Awards, Jeannae Rouzan-Clay.
Producenti tjetër Jesse Collins tha gjithashtu se ndonëse ata folën për të ftuar kastin e sitcom-it të viteve ’90 – Jennifer Aniston, Courteney Cox, Lisa Kudrow, Matt LeBlanc dhe David Schwimmer – vendosën që të mos i ftonin.
“Unë mund ta imagjinoj, nga ana e tyre, që po vajtojnë për dikë që ishte shumë i afërt,” shpjegoi Collins. “Nuk mund të flas për ta, por të gjithë duhet të respektojmë faktin që ata ishin një familje. Ndoshta ishte shumë shpejt”.
Përveç Perry-t u bënë homazhe dhe për personazhe të tjerë që kanë ndërruar jetë.
