Në një intervistë të gjatë për emisionin “Clique” në Canal+, futbollisti i mirënjohur Kylian Mbappe, foli për herë të parë në lidhje me akuzat për përdhunim që u publikuan nga shtypi suedez pas udhëtimit të tij në Stokholm në tetor.
Francezi shpjegon se “nuk ndihet i shqetësuar” sepse nuk ka marrë asgjë tjetër veç informacioneve nga shtypi. Ai tha se është në pritje të një thirrjeje të mundshme nga sistemi i drejtësisë suedeze, dhe pretendon se është befasuar nga e gjithë kjo çështje por nuk është fare i shqetësuar.
“Nuk e prisja fare, jam i habitur nga mënyra se si është shkruar. Këto janë gjëra që nuk ndodhin aq lehtë. Nuk mora asgjë, asnjë ftesë. E lexova njësoj si gjithë të tjerët, në shtyp, ndaj nuk jam i shqetësuar”, tha francezi.
Mbappe shpjegoi gjithasbtu se është ende në kontakt me gruan që takoi në Suedi dhe pretendon se ajo nuk e ka akuzuar, ndonëse nuk e di se kush qëndron pas të gjithë kësaj meseleje.
