Mbaron “Bixhoz me dashurinë”, Shivai shkruan letrën emocionuese që përloti të gjithë

“Bixhoz me dashurinë” do të transmetojë këtë muaj në Indi episodet e fundit duke mbyllur kështu pas 2 vitesh një serial të suksesshëm dhe shumë të ndjekur. Përfundimi i serialit nuk është pritur aspak mirë nga fansat indianë por edhe aktorët janë mërzitur për këtë shkak e secili prej tyre ka dhënë lamtumirën me anë të videove apo deklaratave. Por ai që i ka përlotur të gjithë ka qenë aktori Nakul Mehta i cili luan rolin e Shivait. Aktori ka shkruar një letër emocionuese duke i dhënë lamtumirën rolit të tij “Shivai”. Nakul së shpejti do të nisë një rol të ri në një histori të re. Më poshtë “revistawho.com” ju sjell letrën emocionuese të aktorit. “Ishte 21 korrik 2015, dita e parë e xhirimit në një studio periferike të Mumbait. Takova shumë njerëz të rinj atë ditë por ajo që mendoja ishte të luaja një rol ikonik, larg vlerave dhe moralit që unë jam. Në prill 2016 më në fund filluan xhirimet. Në ato 8 muaj të gjeta ty. Pak nga pak. Në një natë të premteje gjatë një bisede me një mik, gjeta brenda meje zërin që kisha për ty. E dija që Shivai nuk mund të tingëllonte si unë. Unë mund të jem njeri i thjeshtë dhe faktik por Shivai Sing Oberoi s’mund të jetë. Kishte ditë të shumta kur bëja prova si do ecja, si do ulesha, si do e mbaja telefonin. Ti më dhe kurajo edhe pse unë e dija që në fillim se nuk mund të kishte asnjë mënyrë të drejtë për të luajtur rolin. Jam i përulur që kam përjetuar të gjithë dashurinë tuaj në formën e çmimeve, letrave dhe dhuratave. Kujtimet do mbesin të arta për mua përgjatë gjithë jetës. Faleminderit që më zgjodhe mua për të luajtur Shivain. Faleminderit që më bëre artist dhe njeri më të mirë seç kam qenë dhe faleminderit për këto kujtime”./revistawho.com