Mbaron “Bixhoz me dashurinë”, zbulohet seriali i ri që fillon pas tij

Serialit indian në ‘Tv Klan’ po i vjen fundi. Këtë e ka bërë të ditur drejtori i programacionit të TV Klan, Albert Dumani ditën e sotme i ftuar tek “Rudina”. Dumani u shpreh se kjo telenovelë do të transmetohet deri në fund të këtij sezoni dhe më pas në shtator në vend të tij do fillojë një serial i ri turk. Seriali turk mban titullin “Vajza ime” dhe është duke u transmetuar këtë vit në Turqi. Në këtë serial luan aktorja Beren Gokyildiz të cilën e njohim të gjithë si Turna nga seriali “Nënë”. Seriali flet për historinë e një vajze të vogël e cila takohet me të atin për herë të parë pas shumë vitesh. Ajo vuan nga një sëmundje vdekjeprurëse dhe i ati i saj do bëjë gjithçka për të kur ta mësojë këtë fakt./revistawho.com