Era Istrefi do të këndojë himnin e ‘Fifa World Cup’ dhe kjo gjë është pritur shumë mirë nga të gjithë fansat e saj. Kjo shënon një tjetër arritje ndërkombëtare për këngëtaren shqiptare dhe prandaj të gjithë ndihen krenar.
Jo vetëm kaq, por një arritje akoma më e madhe është kur shikon se si artistët e një vendi mbështesin njëri-tjetrin për të tilla suksese. Reperi Noizy është një ndër ata artistë që ka zgjedhur ta mbështesë publikisht Erën. Ai ka publikuar në ‘Instagram’ një fotografi nga përgatitjet e Istrefit gjatë videoklipit të këngës dhe bashkangjitur fotos ka shkruar: “Ditë e mirë. Kupa e Botës 2018”. Dhe pavarësisht angazhimeve të shumta që mund të ketë, Era ka reaguar menjëherë. “Lali nesër do kërcejmë”, – ka shkruar ajo duke qenë se ditën e nesërme pritet të publikohet kënga. /revistawho.com
