Artistja e famshme Elsa Lila ndau përvojën e saj të vështirë në burg gjatë një interviste në emisionin “Opinion” mbrëmjen e djeshme.
Ndërsa shprehu mirënjohje për lexuesit e interesuar për historinë e saj, Elsa tregoi arsyen pas arrestimit në një prej burgjeve më të frikshme të Italisë:
“U burgosa sepse u akuzova si pjesëmarrëse në një organizatë kriminale për shpërndarje të lëndëve narkotike. Më akuzonin se unë isha një nga krerët e këtij absurditeti.
E vetmi lidhje ishte njohja e miqësia ime me dy prej të akuzuarve, të cilët janë shqiptarë. I njihja pa e ditur se çfarë bëjnë ata. Kur isha në 41 biss, ato dy javë telefoni im u kontrollua në të gjitha celulat.”
Këngëtarja për herë të parë ndau dyshimet e saj mbi këtë çështje, duke sugjeruar se pas saj mund të fshihej një qëllim më i madh:
“Duke qenë se është absurde që pa prova një person publik, një artiste e nderuar e respektuar të përdorej si lajmmotiv, të përdorej si heroina e kësaj organizate, mbrapa kishte diçka madhore e tendencioze, ndoshta edhe nga këtu…
Për të bërë një efekt bilardo, një efekt domino nëpërmjet Elsa Lilës. Për të përdorur Elsa Lilën! Do të thotë që kanë përdorur imazhin tim!”
Për izolimin dy-mujor që e cilëson të padrejtë, ajo paralajmëroi se do të ndjekë rrugët ligjore për të kërkuar rimbursim:
“Pas 55 ditësh, do ta lexoni në libër, isha e vetmja që kërkova një pyetësor. Prokurori që ndiqte çështjen u bind totalisht nga përgjigjet e mia, nga mungesa e fakteve dhe në celular s’kishte asnjë komunikim me bandat.
Personat në fjalë ishin miq të miqve, që u transferuan në Romë para disa vitesh. Që takoheshim herë pas here për ndonjë kafe, ndonjë birrë.”
Pavarësisht sfidave, Elsa gjeti mbështetje gjatë kohës në burg:
“Të gjithë janë brenda! Arrita dhe pata fatin të takoja dhe njerëz shumë dashamirës aty brenda, që më ndihmuan që ato ditë të ishin më të jetueshme”, përfundoi ajo.
