Në momentin e parë që çdo gjë e bën publike, Marina dhe Getoari, nuk kanë reshtur së treguari se lidhja e tyre sa vjen e bëhet më e fortë dita–ditës. Pas martesës në shtator të vitit të kaluar, ata mund ta quajnë lehtësisht njëri-tjetrin burrë e grua, por Getoari përzgjedh fjalën më të lartë për Marinën e tij. Vendos ta quajë mbretëreshë, sepse normalisht tashmë ajo është mbretëresha që sundon jetën e tij.
“Për botën ti mund të jesh vetëm një person. Por për mua, ti je bota. Gëzuar ditëlindjen, Mbretëresha Ime”, – ishin këto fjalët e Getoarit për ditëlindjen e Marinës. Normalisht që pas këtij epiteti të bukur Marina nuk mund të ndihet më e përkëdhelur se kaq. “Faleminderit jeta ime”, – ka komentuar ajo në urimin e Getit. Ne i urojmë çiftit simpatik që të festojnë së bashku jo vetëm ditëlindje, por çdo ditë të dashurisë së tyre! /revistawho.com
