Mbretëresha Elisabeth i ka një borxh të madh ish-kryeministrit Tony Blair, e gjithçka mbi këtë çështje e zbulon dokumentari i ri për familjen që do transmetohet në ‘Channel 4’.
Sipas historianëve, kur princeshë Diana humbi jetën në aksidentin e rëndë në Paris, gjithë imazhi i familjes mbretërore për pak mori fund.
Fajtore ishte vetë mbretëresha, e cila atë ditë ishte në Skoci për pushime dhe nuk ndërmori asnjë veprim të menjëhershëm pas lajmit. Ama ajo nuk e kishte parashikuar që vdekja e Dianës do sillte reagime nga populli. Të gjithë ata që e deshën princeshën u kthyen nga mbretëresha e ju drejtuan si fajtore për aksidentin.
Me nxitjen e kryeministrit të asaj kohe, Tony Blair, mbretëresha për pak orë e rikuperoi gabimin duke u kthyer në Angli e duke hapur publikisht homazhet për Dianën, si nëna e nipërve të saj.
Edhe pse për të, vdekja e Dianës ishte një ngjarje që nuk e prekte shumë dhe qëllim kishte veç mbrojtjen e William dhe Harry, imazhi i familjes mund të shpëtohej vetëm ashtu.
Në dokumentar theksohet se për Elisabethën, të qenurit borxhli ndaj Tony Blair ishte shumë e vështirë, ndaj sapo ish-kryeministri filloi të humbte pushtetin, ajo gjeti mënyrën që ta mbështeste. Ama do apo s’do, sot e kësaj dite, mbretëresha i detyrohet atij për gjithë popullaritetin që ka./revistawho.com
