Mbretëresha Elizabeth II ka lënë një letër sekrete që mbahet brenda një kasaforte në ndërtesën historike të mbretëreshës Victoria të Australisë.
Sipas burimeve, letra nuk duhet të hapet për 63 vjet të tjera, ndërsa mbahet aty prej 36 vjetësh.
Letra është shkruar nga Elisabeth II në nëntor të vitit 1986 gjatë një vizite shtetërore në Sidnei. Gjithashtu janë dhënë udhëzime të qarta se kur përmbajtja e letrës duhet të zbulohet për publikun.
Në letrën e shkruar nga mbretëresha drejtuar Kryetarit të Bashkisë së Sidneit, Australi thuhet: “Përshëndetje. Në një ditë të përshtatshme të zgjedhur nga ju në vitin 2085, ju lutemi hapni këtë zarf dhe përcillni te qytetarët e Sidneit mesazhin tim për ta.”
Ndërtesa në të cilën ruhet kasaforta u përurua në 1898 për t’i bërë nderime mbretëreshës Victoria në jubileun e saj të Diamantit.
Monarku britanik mbetet kreu i shtetit në Australi. Në vitin 1999, vendi pati një referendum për të vendosur nëse donte të bëhej republikë.
Megjithatë, 54% e popullsisë në atë kohë mbajti anën e M duke vendosur që të mbetet kreu i shtetit. Për rrjedhojë, posti i kreut të shtetit të Mbretëreshës mbeti i pashfuqizuar, sipas Daily Mail.
Elisabeth II e vizitoi për herë të parë Australinë në vitin 1954. Ajo ishte monarkja e parë në fuqi që vizitoi vendin.
