Mbretëresha Elizabet ka miratuar zyrtarisht martesën e nipit të saj, Princit Harry me Meghan Markle. Pallati Mbretëror ka shpërndarë një fotografi të letrës së shkruar me dorë që jep pëlqimin e Mbretëreshës për këtë martesë. “Madhëria e Saj Mbretëresha Elizabet miraton, jep pëlqimin për martesën e Princit Harry dhe Zonjushës Meghan Markle”, – shkruhet në letër.
Në këtë letër vihen re disa detaje shumë interesante. Në të majtë të tekstit shihet dragoi i kuq, simboli i Uellsit, si dhe një tërfil. Ndërsa në anën e djathë të tij, dallohet një trëndafil që është lulja kombëtare e SHBA-ve. Gjithashtu dhe dy lulëkuqe që janë lulet shtetërore të Kalifornisë, vendit ku ka lindur Meghan Markle. Nënshkrimi i Mbretëreshës Elizabet është që në krye të letrës, e cila do të paraqitetet te çifti i ri pas martesës së tyre.
Dasma e Princit Harry dhe Meghan Markle do të mbahet në 19 maj. /revistawho.com
