Mbreti Charles mund të ketë befasuar shumë fansa mbretërorë kur ai dhe anëtarë të tjerë të familjes mbretërore i uruan princit Harry ditëlindjen e 40-të këtë vit, por sipas një burimi të brendshëm mbretëror, familja është paksa e tensionuar tani. Ditëlindjet, në përgjithësi, duket se janë një temë e ndjeshme pas portave të praruara të Buckingham Palace.
Sipas ekspertes mbretërore Rebecca English, kur Charles mbushi 75 vjeç vitin e kaluar, Harry i telefonoi babait të tij, por fakti që biseda dhe detajet e telefonatës së tyre u përhapën në lajme nuk ishte gjë e mirë për mbretin. Rebecca shpjegoi se Charles ishte i lumtur të telefononte djalin e tij këtë vit, por është ende i kujdesshëm me gjithçka mes tij dhe Harrit.
“Charles është i zemëruar dhe i lënduar, por ai është ende djali i tij në fund të ditës, prandaj edhe pse po mban distancë në këtë moment, ai kurrë nuk do t’ia mbyllë plotësisht atë derë.” shpjegoi ajo në podkastin “Palace Confidential” të Daily Mail.
Ajo vazhdoi të tregojë se vitin e kaluar, mesazhi i ditëlindjes së Harry-t për babain e tij u bë i njohur gjerësisht, gjë që Charles nuk i pëlqeu. Një detaj i rëndësishëm ishte se Harry dhe Meghan Markle i dërguan Charles një video ku shfaqej Princesha Lilibet dhe Princi Archie dhe monarku mendonte se ishte një çështje personale dhe nuk duhej të ishte në dijeni të publikut.
“Një gjë që kuptova është se sa i zhgënjyer ishte mbreti në nëntor kur Harry e telefonoi për t’i uruar jo vetëm ditëlindjen e 75-të, por edhe fëmijët e tij bënë një video të vogël duke i kënduar ditëlindjen gjyshit që ata mezi e shohin. ”, shtoi eskpertja. “Dhe brenda disa orësh u publikua nga Sussex në mediat e tyre dhe që me të vërtetë kaloi kufirin për familjen mbretërore, sepse shumë pak nga jeta e tyre është vërtet private”.
