Pas suksesit të mbrëmshëm në Armeni, djemtë e Kombëtares kanë marrë mirënjohjen e të gjithë shqiptarëve përmes fotove e statuseve të shkruara në rrjetet sociale. Nuk kanë munguar ndër to edhe urimet e familjarëve të futbollistëve dhe një nga më të bukurit ka qenë ai që ka shkruar “Miss Shqipëria 2013”, e cila prej më shumë se një viti ka lidhur kurorë me mbrojtësin e skuadrës kombëtare, Elis Hysaj. “Jam krenare për ty”, – shkroi dje Fiorenza Lekstakaj në ‘instagram’ dhe këtë postim e shoqëroi me një foto të futbollistit në fushë. Elis Hysaj është 23 vjeç dhe luan si mbrojtës i djathtë dhe i majtë me Napolin në Itali. Ai është prej tre vjetësh pjesë e Kombëtares. Kur ishte 14 vjec familja e tij emigroi ne Itali ku ai u rrit si futbollist. Më parë ka luajtur për Empolin. Ndërkohë Fiorenza Lekstakaj, është shpallur Miss Shqipëria në kalanë e Bylisit, me vota unanime nga e gjithë juria. Ajo jeton prej vitesh në Itali. Historia e tyre e dashurisë është kurorëzuar me një dasmë glamuroze përpara një viti.
