Mc Kresha i habit të gjithë: Po mendoj ta lë muzikën

Mc Kresha ka qenë gjithmonë aktiv në muzikë dhe cilësohet si një ndër artistët më të preferuar të publikut. Por siç duket në një të ardhme të afërt, Mc Kresha nuk do të jetë më pjesë e muzikës. Së fundmi artisti ka qenë i ftuar në emisionin ‘Oxygen’, në të cilin ka folur për karrierën dhe planet e tij. I pyetur nëse do ta lërë ndonjëherë muzikën, reperi ka thënë se kur të krijojë familje do të heqë përfundimisht dorë. “Realisht karriera ime si artist më ka sjellë shumë të mira. Besoj që kapaciteti im i trurit më jep mundësinë të mbetem gjallë edhe pa muzikë. Kaq shumë sa e dua muzikën edhe po mendoj ta lë”, – tha Mc Kresha. Ai ka shtuar se nuk do të ishte prind i denjë nëse do vazhdonte të merrej me hip-hop. “Për muzikën hip-hop duhet të dal unë të këndoj ‘hajde zemër dridhe’ edhe djali im do jetë aty e do dëgjoj. Nëse bëhem me familje, unë nuk mundem të jem prind i duhur për fëmijët e mi. Çdo gjë ka ciklin e vet, publiku më ka rritur se unë kam qenë i mirë”, – është shprehur reperi. Nëse nuk do të merret më me muzikë, Kresha do të preferonte që në të ardhmen të ketë një punë që ka lidhje me futbollin. /revistawho.com