Këtë të dielë Mc Kresha ishte i ftuar special në emisionin e “Top Channel”, “E diell”. Këngëtari i njohur është vënë përpara “sfidave” të shumta dhe ju desh të tregohej i hapur ndaj pyetjeve të ndryshme. Në intervistën përballë moderatores, Fjoralba Ponari, Kresha duhej të tregonte emrin e këngëtares, me të cilën ka pasur më shumë vështirësi në punë.
Duke qenë se ishte një pyetje pak e sikletshme, Kresha vendosi të tregohej diplomat dhe ta anashkalonte. Megjithatë i detyruar nga publiku, reperi vendosi ta tregonte. Ai tha se ka pasur shumë vështirësi gjatë bashkëpunimit me Fifin. “Mbaruam këngën në studio dhe Fifi çmendej kur e dëgjonte. Pastaj kur unë erdha për performancën në Shqipëri, Fifi më thotë e ndryshova versionin e këngës”, – ka rrëfyer Mc Kresha.
Megjithatë ai ka shtuar se Fifi është artiste e madhe dhe i ka kërkuar falje për këtë. Dy këngëtarët morën pjesë në ‘Kënga Magjike 2018’ me këngën ‘Psikopatja jote’, që u pëlqye shumë nga publiku. /revistawho.com
