“Ti je n’at dhomë me Vaçe Zelën, Nexhmije Pagarushën dhe Muharrem Qenën”. Kështu e komenton artisti avantgard, Mc Kresha, yllin e skenës shqiptare, Aurela Gaçen. Kur të vlerësojnë kolegët është gjithnjë bukur; kur të vlerësojnë të rinj, që edhe ti i vlerëson po njësoj është edhe më bukur dhe kështu duket se i ka ndodhur Aurelës. Gaçja e madhe, fituese e më shumë se 10 çmimeve të para në festivalet shqiptare, e ka shfaqur gjithnjë hapur simpatinë e saj për reperin e suksesshëm Mc Kresha, me të cilin edhe ka realizuar një duet për një fenomen të përhapur jo pak në botën shqiptare: interesin në një marrëdhënie. Po duke iu rikthyer komentit të Kreshës, ai ka thënë atë që mendojnë të gjithë, Aurela është një nga artistet më pak të kontestuara në Shqipëri. Kur vjen puna tek fuqia e saj si personalitet i muzikës, të gjithë dorëzohen, ndaj s’ka asnjë dyshim, Aurela është sigurisht pjesë e asaj dhomës me yjet më të ndritshme të këngës, ku pak këngëtarë të tjerë mund të hyjnë./revistawho.com
