Jennifer Lopez dhe Ben Afdleck vazhdojnë të jenë në qendër të vëmendjes. Pas rikthimit, dy dasmave dhe thashethemeve për krizë, për dyshrn përflitet gjatë gjithë kohës. Së fundmi në një intervistë për “Apple Music 1” ajo ka folur hapur për marrëdhënien me të shoqin. Artistja ka kujtuar ndarjen para 20 vitesh, që sipas saj konsiderohet si thyerja më e madhe e zemrës që i ka ndodhur në jetë.
“Ishte kaq e dhimbshme pasi u ndamë. Sapo e anuluam atë dasmë 20 vjet më parë, ishte thyerja më e madhe e zemrës sime. Sinqerisht u ndjeva sikur do të vdisja. Më çoi në një spirale për 18 vitet e ardhshme, ku thjesht nuk mund ta bëja siç duhet. Por tani, 20 vjet më vonë, ajo ka një fund të lumtur. Ka fundin që ‘nuk do të ndodhte kurrë në Hollywood’”, ka thënë ajo.
Ajo ka folur edhe për albumin e ri.
“I gjithë mesazhi i albumit është, Kjo dashuri ekziston. Kjo është një dashuri e vërtetë”.
