Krahë gjithmonë të tonifikuar, bark të sheshte e këmbë me muskuj. Por si ia del Jennifer Aniston të jetë gjithnjë në formë perfekte, megjithëse po i afrohet të 50-ave? Ajo ka zbuluar sekretet e saj në numrin e muajit prill të revistës “Harper’s Bazaar”, duke rrëfyer një rutinë ‘të hekurt’ të mbushur me dieta dhe ushtrime. Aktorja e cila u shpall edhe femra më e bukur në botë pak ditë më parë, 5 ditë të javës ia përkushton ushtrimeve, një miks me ‘cardio’ e ‘stretching’ me orare të përcaktuara: 15 minuta ushtrime, 15 minuta vrap dhe gjysëm ore vegla. Natyrisht që stërvitja nuk të hyn në punë për asgjë pa një dietë të mirë në të cilën janë braktisur sheqernat dhe preferohen shumë proteinat (dreka e saj zakonisht është sallatë e shoqërur me pulë). Por ndoshta sekreti është i gjithi në një fjali, kur ajo vetë pohon: “Ndihem më mirë tani se sa kur isha 20 vjeçe e nuk dija asgjë nga çfarë mund të doja apo të isha”.
Më e bukura në botë 47 vjeçe, Jennifer Aniston: Jam më mirë se kur isha 20, ja sekreti im
