Elvana Gjata është një ndër këngëtaret më të paguara në Shqipëri dhe për këtë nuk ka asnjë dyshim. Stilisti i njohur, Valdrin Sahiti, i ftuar mbrëmjen e djeshme në ‘Xing me Ermalin’ e konfirmoi këtë gjë. Ai foli për shumë personazhe të njohur dhe kur erdhi radha tek Elvana zbuloi ndër të tjera dhe shumën që ajo merr për një koncert. Sipas Sahitit, këngëtarja fiton plot 20 mijë euro. Por interesante ishte fakti se asaj nuk i pëlqente t’i shpenzonte me veshje, primare për të ishte kënga. Ndërkohë ishte Valdrini, ai që kishte bërë Elvanën të ndërronte mendim.
‘Elvana është shumë e përqëndruar në muzikë, në vokal dhe unë ja kam sjellë fokusin edhe tek paraqitja. E kam ndihmuar më kurimin e imazhit edhe jashtë skenës. Në fillimet tona i thashë t’i kushtonte rëndësi edhe veshjes jashtë skenës. Në një rast kur udhëtuam bashkë i thashë si s’po të vjen turp, 20 mijë euro merr në koncert, një çantë, një peliçe, një palë këpucë nuk i ke firmë. Të paktën një çantë Louis Vuitton bazike duhet ta kesh patjetër i thashë. Nuk më duhet tha, kam blerë 3 të tilla nga 50 euro online. I thashë ose merre çantën dhe bëhu njeri ose nuk punojmë më bashkë. Pastaj me vite e detyrova të blente çantën, peliçen etj’, rrëfeu stilisti.
Kujtojmë që Elvana dhe Valdrini përveç se bashkëpunëtorë, janë dhe miq shumë të ngushtë prej vitesh./revistawho.com
