Ditën e sotme personazhe të ndryshëm publikë, kanë zgjedhur të urojnë në mënyrën e tyre festën e 8 Marsit, duke publikuar foto dhe fjalë që kanë dashur t’i ndajnë më ndjekësit e tyre, por me siguri urimi më i veçantë është ai i Sara Hoxhës, e cila ka zgjedhur vetëm pak fjalë për të shprehur vlerësimin për nënën e saj.
Ajo ka publikuar në ‘Instagram’ një foto të veçantë të mamasë së saj ditën e martesës. Në foto dallohet zonja Vjollca me një fustan tepër elegant në dasmën e së bijës me fustanin e Sarës në duar.
Ndonëse Sara ka zgjedhur të publikojë rrallë herë foto nga dita e saj e martesës, ditën e sotme ajo zgjodhi pikërisht këtë foto për të uruar ditën e femrave. Për Sarën gruaja model, është vetë nëna e saj dhe këtë na e tregoi në postimin e saj më të fundit./revistawho.com
