Tayna ka vetëm 1 vit që është bërë e njohur në muzikë dhe në kaq pak kohë ka fituar shumë famë. Reperja ka publikuar shumë këngë, të cilat kanë rezultuar të gjitha mjaft të suksesshme dhe sot Tayna është një nga këngëtaret më të kërkuara. Në fakt duket se pasioni për muzikën nuk ka lindur vitet e fundit tek Tayna, pasi reperja ka zbuluar se ka shumë vite që këndon. Ditën e sotme ajo ka publikuar disa foto të rralla nga fëmijëria, në kohën kur ka qenë 5 vjeçe.
Në imazhet e publikuara ajo shihet me një mikrofon në dorë duke kënduar, ndoshta në ndonjë festival fëmijësh.
Tayna ka treguar se që në atë kohë i ka pëlqyer shumë rryma e ‘rap-it’ dhe prandaj sot renditet si një ndër reperet më të mira. Nga fotot duket se Tayna ka lindur për të qenë në skenë, ndaj në një kohë kaq të shkurtër ajo arriti të fitonte zemrat e publikut. Kujtojmë se kënga më e fundit e publikuar nga reperja është “Sicko”, që u prit mjaft mirë nga fansat si çdo projekt tjetër i saj. /revistawho.com
