Ditën e djeshme moderatorja e njohur, Klea Huta dhe partneri i saj, Elgit Doda zbuluan për të gjithë fansat fotot e dasmës së zhvilluar në Marok disa muaj më parë. Huta theksoi se publikimi i pamjeve të veçanta do të vazhdonte dhe sot, ndërsa nuk ka hezituar t’i dedikojë edhe fjalët më të bukura të dashurisë në postimin e fundit në ‘Instagram’. “Që e vogël kam ëndërruar për ty. Që e vogël doja dikë si ti kur të isha e madhe. Kemi kaluar ditë të mira e jo të mira, por gjithmonë të kam patur pranë e kam qenë pranë teje. Në të mirë e në të keq. Kur flas për ne edhe ndonjë lot gëzimi mi njom faqet. Të dashuroj bashkëshorti im. Zoti na bekoftë dhe syri i keq mos na paftë”, ka shkruar Klea krah fotos ku shihet se ka përqafur Elgitin.
Fansat e çiftit kanë vazhduar t’i urojnë në komente për këtë hap të rëndësishëm në jetën e tyre dhe fëmijën e tyre të parë, i cili pritet të vijë në jetë pas disa muajsh./revistawho.com
https://www.instagram.com/p/B708ub1JTCt/?igshid=10p12q8n69rpq
