Prezantuesja dhe këngëtarja Gerta Heta ishte e ftuar sot në rubrikën “Gjysma ime” në “E diela shqiptare”, së bashku me bashkëshortin e saj Matko Djarmati, ku rrëfyen historinë e tyre të dashurisë. Teksa flisnin për dy vajzat, Gerta e përlotur rrëfeu një ngjarje fatkeqe që ka shkaktuar humbjen e njërës prej binjakeve që priste.
“Ka qenë një periudhë e zezë e jetës që nuk është se nuk e flas, por është një plaqë që është gjithmonë aty dhe sa herë që e flasim, më ngacmohet. Por falë Zotit, kemi vetëm Matean dhe e kemi shëndoshë e mirë se mund të ishte edhe më keq. Po, kemi humbur njërën nga vajzat dhe unë i thashë Matkos që në momentin që humbi Gea, le t’ia vëmë vajzës që jeton emrin Matea sepse me humbjen e Geas ka humbur dhe Gerta. Domethënë, Gerta-Gea, me vdekjen e saj ka vdekur edhe një pjesë e imja”-tregoi Gerta.
