Dojna Mema ka treguar gjithmonë se gëzon një raport fantastik me gjyshen e saj. Por tashmë sapo e ktheu dhe zyrtarisht në një pune të re: kanalin në youtube ajo e ndan pikerisht me këtë personazh, që ka dhe faqen e ‘Instagram’ pikërisht me emrin “Gjyshja e Dojnës” dhe që i ka dhuruar plot të qeshura ndjekësve të moderatores, për shkak të batutave të pamodifikuara dhe komenteve intereante të saj.
Përpara premierës dyshe në ‘youtube’ Dojna nuk e ka fshehur krenarinë: “Kur me krahasojne me ty, mbushem me vetebesim. Shpresoj qe nje dite, kur te moshohem, te jem si ti”.
Në të njëjtën mënyrë është bërë mediatike edhe Arta, mamaja e Jonida Maliqit. Gjithmonë e më shumë këngëtarja ka ndarë momente me mamanë, e cila me origjinalitetin e saj i ka marrë zemrën gjithë fansave të këngëtares që hera herës e kërkojnë mamanë në llogarinë e saj. Ndërsa tani nuk mungon as në emisionin më të ri “Jonida’s room”.
I pari që bëri “vip” ne rrjet një pjesëtar të familjes ka qenë Bes Kallaku, i cili ka treguar se është rritur nga gjyshja e tij, Ija. Postimet dhe dedikimet për Ijen kanë qenë aq ta shumta, sa ndjekësit kanë menduar se ajo është mamaja e tij.
Po juve çfarë batutash apo komentesh epike ju kanë dhuruar prindërit e gjyshërit? Me kë prej tyre mund ta ndanit rrjetin social?/revistawho.com
