Gjesti ka sqaruar fansat për ndalimin e projekteve të tij muzikore. Në një story të fundit, ai shpjegoi se pasiviteti i tij ka ardhur për shkak të disa konflikteve dhe padrejtësive nga distributori i mëparshëm.
“Ky sezon jam detyruar të ndal të gjitha projektet për shkak të konflikteve dhe padrejtësive që më janë bërë nga distributori paraprak. Deri sa këto konflikte të zgjidhen, do t’i mbaj projektet për vete dhe refuzoj kategorikisht t’i publikoj me këtë distributor,” shkroi ai.
Megjithatë, Gjesti tha se po punon mbi disa projekte të reja dhe shpreson që situata të zgjidhet sa më shpejt, në mënyrë që t’i ndajë ato me fansat. “Besoj shumë që këto konflikte do të rregullohen shpejt dhe mezi pres t’i ndaj me ju këto projekte. Nuk do të dorëzohem derisa drejtësia të gjejë vendin e vet,” shtoi ai.
Fansat e Gjesti-t mund të presin muzikë të re sapo të mbyllet ky konflikt me distributorin.
