Gjatë një interviste në “Uëtëfë Show” të Andale Media, Milaim Zeka u përball me një sfidë nga moderatorët Fatos Sulo dhe Artemis Senja në lojën “Caliente”: ai duhej t’i telefononte Olta Gixharit vetëm për ta përshëndetur.
Menjëherë pasi Olta u përgjigj, ajo reagoi e habitur dhe e pakënaqur:
“Pse del me ato deklarata se nuk të kam thënë kurrë? Unë nuk dal të flas nëpër televizione. Po ti si s’pushon? Kush të ka kërcënuar ty? Unë të kam kërcënuar?”
Milaimi, që para telefonatës dukej i qetë, nisi të qeshte kur Olta filloi t’i kërkonte llogari pa hezitim, duke mos qenë më aq i sigurt në pretendimet e tij për një kërcënim nga ana e saj. Ai u përpoq ta zbutte situatën duke i thënë:
“S’më ke kërcënuar, por… dëgjo, je në emision live. Të mora vetëm të të uroj shumë sukses ty dhe Leonorës.”
Olta, me një ton të prerë, ia ktheu:
“Faleminderit, me mend në kokë,” dhe i mbylli telefonin.
Kjo situatë e vuri Milaimin në pozitë të sikletshme, duke lënë të kuptohet se ai mund t’i ketë ekzagjeruar deklaratat e mëparshme, kur kishte thënë se Olta e kishte kërcënuar që “të mos e shihte më Morinën”, apo se ajo ishte arsyeja pse ai nuk ishte më opinionist në “Big Brother VIP Kosova”.
Kujtojmë se Milaimi pak ditë më patë deklaroi në një intervistë për “Prive” se Olta e kishte kërcënuar.
”Problemi im më i madh ishte me Olta Gixharin, se ishte femër. Ne jemi edukuar që njeriu ligësinë më të madhe në jetë e bën kur matet me fëmijë dhe me femra. Po të kishte qenë mashkull, do të ishte bërë skandali më i madh në historinë e “Big Brother”. Ajo më ka kërcënuar në prezencën e produksionit, më ka thënë që ma ndalon Morinën, të cilën s’ma ka ndaluar as serbi dhe jo më Olta. Pas saj, është dashur të largohem nga “BBVK”, me lutjet e tyre. Kam qëndruar në “BBVK”, por s’kam komunikuar me Oltën“, tha ai.
Dyshja ishin opinionistë së bashku në “BBVK 3”, por sipas Milaimit, marrëdhëniet e tyre nuk kanë qenë të mira. Ai tregoi pas përfundimit të spektaklit se nuk kishin pasur komunikim dhe se shpesh i ishte dukur se komentet e Oltës në program ishin personale dhe ofenduese ndaj tij.
