‘Klanifornia’ duket se është duke u përgatitur çdo ditë e më shumë për shfaqjen që do të jepet në ekranin e ‘Tv Klan’ mbrëmjen e ndërrimit të viteve në 31 dhjetor. Së fundmi ka qenë producenti i saj, Turjan Hysko i cili ka zbuluar me anë të disa postimeve në ‘Instastory’ të ftuarit specialë të asaj nate.
Në njërën prej fotove duket se atë mbrëmje nuk do të mungojë klarinisti i njohur, Adi, i cili është imituar edhe nga Julian Deda, ndërsa në postimin tjetër duket se politikania e njohur, Monika Kryemadhi do të jetë gjithashtu pjesë e shfaqjes.
“Ehu, unë them zjarr, s’doni ju”, ka shkruar Hysko krah postimit të tij në rrjetet sociale, duke lënë të kuptohet se kjo mbrëmje do të rezervojë mjaft surpriza. Nuk dihet ende se cilat janë emrat e tjerë, të cilët do të jenë pjesë e ‘Klanifornia’ në datë 31 dhjetor, megjithatë kjo pritet të zbulohet në ditët në vazhdim./revistawho.com
