Melania Trump ka refuzuar një ftesë nga Zonja e Parë, Jill Biden, për një takim paszgjedhor në Shtëpinë e Bardhë, duke thyer traditën presidenciale.
Ish-Zonja e Parë, e cila ka qenë në qendër të vëmendjes muajt e fundit pas publikimit të librit të saj me kujtime, vendosi të mos marrë pjesë, pavarësisht shfaqjes në krah të Donald Trump natën e zgjedhjeve.
Sipas burimeve pranë familjes Trump, Melania e ka refuzuar ftesën për shkak të një konflikti në agjendë lidhur me promovimin e librit të saj. Por një tjetër burim pretendon se arsyeja e vërtetë është zemërimi i saj për bastisjen e FBI-së në rezidencën Mar-a-Lago në 2022.
“Ajo nuk do të shkojë,” tha një burim për New York Post. “Bashkëshorti i Jill Biden autorizoi FBI-në që të përgjonte nëpër sirtarin e saj të të brendshmeve. Bidenët janë të neveritshëm. Jill Biden nuk është dikush që Melania dëshiron të takojë.”
Burime të tjera shtojnë se Melania dhe Jill Biden nuk kanë pasur asnjë komunikim, duke e bërë refuzimin edhe më domethënës.
