Menaxherja e këngëtarit të njohur John Legend, Ty Stiklorius, së fundmi ndau një përvojë që e përshkroi si “të tmerrshme” nga festa e jahteve e organizuar nga Sean “Diddy” Combs.
Në një artikull të botuar më 31 tetor në The New York Times, Ty rrëfen se ngjarja ndodhi gjatë një udhëtimi familjar në Karaibe 27 vite më parë.
Ajo dhe vëllai i saj arritën të futeshin në festën e Vitit të Ri të organizuar nga Diddy në St. Barts. Gjatë festës, ajo tregon se një burrë, që njihej si bashkëpunëtor i tij, e shoqëroi deri në një dhomë gjumi në vend që ta çonte në dhomën “disko” ku po zhvillohej festa.
“Deri më sot, nuk më kujtohet se si ia dola të dal nga ajo situatë e tmerrshme. ‘Vëllai im është në këtë varkë dhe ndoshta po më kërkon!’ – i thashë, duke e bindur që të zhbllokonte derën e dhomës së gjumit dhe të më linte të shkoja,” kujton Ty, tani 49-vjeç.
