Marrëdhënia mes Xheneta Fetahut dhe Kader Kicajt, dikur shoqe të afërta dhe ish-banore të “Big Brother VIP Kosova”, është shndërruar në një përplasje publike gjithnjë e më të ashpër.
Pas debatit të ndezur në emisionin “E Diell” një javë më parë, ku Xheneta përmendi ish-partnerin e Kaderit, Lumbardh Salihun, kjo e fundit u largua nga studio e emocionuar dhe e ofenduar.
Por situata ka marrë një kthesë edhe më serioze. Xheneta ka pohuar publikisht se është kërcënuar nga i dashuri aktual i Kaderit.
“Ka qenë javën e kaluar me mysafiren në fjalë, dhe më ka marrë i dashuri i saj e nuk e di se çfarë e ka, më ka marrë i dashuri i saj në telefon dhe më ka kërcënuar”, deklaroi ajo gjatë emisionit.
E revoltuar nga kjo ngjarje, Xheneta shtoi:
“Janë shumë të ulëta gocat që bëjnë këto gjëra”.
Tashmë, të dyja vajzat nuk e ndjekin më njëra-tjetrën në rrjetet sociale, një shenjë që konfirmon se raporti i tyre është shkatërruar përfundimisht.
