Këngëtari i njohur Stine ka ndarë disa detaje që askush nuk i priste mbi romancën e tij me bashkëshorten, Graciela.
Gjatë një interviste, ku moderatorja e pyeti për projektin e tij më të fundit, të titulluar “E treta e vërteta,” Stine u shpreh se e ka realizuar përfundimisht dashurinë e tij. “E treta e vërteta, është ajo që është. Graciela është e treta nga dashuritë e mëdha që kam pasur,” tha Stine.
Ai përshkroi një episod të veçantë nga fillimet e njohjes së tyre, duke treguar sesi Graciela e ndiqte atë me përkushtim të madh:
“Bënte ndjekjet atë kohë si formula uno, më del një puset para dhe frenoj unë vetëm kur më bie nga mbrapa. Thash kush më ra. Dal nga makina shih unë, Graciela. Më fal më tha doja të të ndiqja jo t’i bija makinës. Aq shumë më ka ndjekur Gracia nga mbrapa sa më është dashur të ndërroja vendin. Mësova një stil. Shkoja tek lokali Rozanës lija makinën time aty dhe merrja tjetër. Shkonte Graciela dhe i merrte të gjithë me radhë, e keni parë gjë Stinen,” tregoi këngëtari ndër të qeshura.
Duhet kujtuar që Stine dhe Graciela kanë qenë në qendër të vëmendjes për një ndarje. Në fund të vitit 2018, Stine njoftoi përmes një postimi në “Instagram” se ishte ndarë nga bashkëshortja e tij. Megjithatë, disa muaj më vonë ata u rikthyen bashkë dhe duket se lidhja e tyre u forcua.
