Këngëtarja e njohur shqiptare, Dafina Zeqiri, ka prekur zemrat e ndjekësve të saj me një postim mjaft emocional në rrjetet sociale, kushtuar partnerit të saj, Kreshnik Gjergji, me rastin e ditëlindjes së tij.
Në një fotografi të ndarë nga momenti i lindjes së djalit të tyre, çifti shfaqet në ambientet e maternitetit, të lumtur dhe të emocionuar teksa përjetojnë ardhjen në jetë të fëmijës së tyre të parë. Krahas imazhit të ndjerë, Dafina ka bërë një dedikim të veçantë, duke shprehur dashurinë dhe mirënjohjen për partnerin e saj.
“Urime ditëlindjen njeriut që ma ndryshoi jetën përgjithmonë! Shoku jem ma i mirë, burri jem dhe babi i djalit tonë. Të dua pafund!”, ka shkruar këngëtarja.
Ky moment i veçantë ka ngjallur reagime të shumta pozitive nga ndjekësit dhe fansat, të cilët kanë uruar çiftin për dashurinë e tyre dhe për bekimin më të madh në jetën e tyre – ardhjen në jetë të djalit të tyre.
Dafina Zeqiri, e njohur për emocionin që përcjell jo vetëm në muzikën e saj, por edhe në jetën personale, ka ndarë shpesh me ndjekësit e saj momente të rëndësishme dhe të sinqerta nga jeta e saj private. Kjo është një tjetër dëshmi e lidhjes së fortë dhe dashurisë së madhe që ndan me partnerin e saj, Kreshnikun.
