Era Istrefi ka lajmëruar për publikimin e këngës së re me titull “Redrum” më 24 shkurt. E teksa pritet me padurim publikimi, Era më në fund ka folur rreth këngës dhe madje i ka kërkuar falje fansave për inaktivitetin e saj. Në një postim të fundit në Instagram ku uronte Robert Berishën këngëtarja postoi edhe një koment ku shkruan se “Redrum” është pjesë e shpirtit të saj dhe se po punon shumë. “Ndihem shumë emocionale kohët e fundit dhe shumë e lidhur me familjen dhe të dashurit e zemrës. Dashuria është ajo që na nevojitet më së shumti. Shpresoj t’ju pëlqejë Redrumi. Është pjesë e shpirtit tim. Shpresoj mos t’ju zhgënjej që kam qënë inaktive. Po punoj shumë që t’ju sjell muzikë dhe art të mirë. Por, akoma ndihem që jam në progres. Dua të them faleminderit që më keni qëndruar pranë. Ju do të thoni shumë për mua, më shumë sesa e shfaq. Shpresoj t’ju jap të njëjtën dashuri që ju më keni dhënë mua. E juaja përgjithmonë, Era”, -shkruan Era./revistawho.com
