Është vënë shpesh në fokus të mediave, por asnjëherë nuk është zbuluar për të një lidhje dashurie. E ftuar edhe në intervista të ndryshme apo programe televizive, Big Mama kishte deklaruar se ende nuk i kishte ardhur princi i kaltër që t’i propozonte martesë, sepse nëse do të kishte ndodhur, ajo do të kishte pranuar, shkruan “Class”.
Koha i ka ardhur. Më në fund, Big Mama, në një intervistë të fundit për Prive, zbulon se është në një lidhje dashurie dhe është shumë e lumtur. E pyetur nëse në jetën e saj ka ndonjë të re, ajo nuk mund ta mohojë më: “Jam shumë e lumtur dhe jam në një lidhje me një mashkull. Kjo është për herë të parë dhe e fundit. Se kush, ҫa, mos pyet më… Kaq” – thotë ajo si për t’u thënë të gjithëve që tani duhet ta lënë të qetë.
