Luana Vjollca është një nga vajzat më të suksesshme të ekraneve shqiptare. Sot ajo është një nga moderatoret më elokuente dhe më të pëlqyera dhe këtë e tregon dhe numri i madh i individëve të cilët e ndjekin në ‘Instagram’ dhe në çdo rrjet tjetër social.
Vitet e fundit ajo është angazhuar dhe me disa projekte në muzikë, duke rritur kështu më shumë audiencën e saj.
Luana numëron tashmë 1.4 milionë ndjekës në ‘Instagram’ dhe së fundmi me anë të një komenti ka treguar se i ka të gjithë realë dhe jo “të blerë”, si pjesa tjetër e VIP-ave.
“Nëse dëshironi të dalloni nëse dikush ble ndjekësit, është shumë e thjeshtë, shkarkoni këtë aplikacion ‘Social Blade’. Luana mos harro ta mbash kokën lart dhe t’i injorosh të gjithë ata që po përpiqen të të kapin ty me ndjekës fallco”, shkroi një prej fansave të saj në një nga fotot e moderatores.
Ndërkohë nuk mungoi as përgjigja e Luanës, e cila thoshte: “Se kam provuar, por nëse ky aplikacioni funksionon do jem shumë e lumtur se më vjen inat që po blejnë shumë e më arrijnë. Unë e shkreta me zor po i bëj”.
Luana ka treguar dhe njëherë me këtë koment se ndjekësit e saj janë të vërtetë dhe suksesi i saj gjithashtu edhe më shumë. Ajo gjithashtu i ka ftuar të gjithë ta marrin këtë aplikacion për të parë dhe zbuluar më shumë./revistawho.com
