Më në fund, Princ Philip i kërkon falje vajzës që përplasi me makinë

Në fillim të këtij muaji, Princ Philip përplasi një makinë me një vajzë dhe një fëmijë brenda. Vajza që ishte pasagjere theu dorën dhe pësoi disa gërvishtje në gju, ndersa fëmija nuk pati asnjë dëmtim. Pak ditë pas aksidentit, vajza deklaroi se nuk kishte marrë asnjë lajm nga princi apo familja mbretërore dhe duke qenë se ato as nuk i kishin kërkuar falje, ajo ndihej e injoruar. Më në fund, Princ Philip mori iniciativën t’i shkruajë një letër vajzës që quhej Emma Fairweather dhe sipas ‘The Mirror’ në letër ai shkruante:
“E dashur zonja Fairweather,
Dua të dini se sa keq më vjen për pjesën time të fajit në aksidentin e ndodhur në kryqëzimin Babingley. Kam kaluar shumë herë në atë kryqëzim dhe e di shumë mirë se sa i rënduar është trafiku në këtë rrugë kryesore. Ishte një ditë me diell dhe diku 3 e pasdites, dielli nuk ishte shumë i fortë në ‘Wash’. Me fjalë të tjera, dielli po ndriçonte shumë pak në rrugën kryesore. Në kushtet normale, nuk do e kisha problem të shihja trafikun që vinte nga drejtimi i ‘Dersingham’, por mendoj se dështova dhe nuk e pashë makinën të vinte dhe jam shumë konshient për pasojat. Isha pak i shokuar pas aksidentit, por gjithashtu i lehtësuar që asnjëri prej jush nuk pati dëmtime serioze. Duke qenë se turma e njerëzve po shtohej, një polic më këshilloi të kthehesha në ‘Sandrigham’. Mësova që keni thyer krahun. Më vjen shumë keq për këtë dëmtim.
Ju uroj një shërim të shpejtë nga një situatë shumë stresuese.
Gjithë të mirat, Philip”.
Emma u shpreh për ‘The Mirror’ se e vlerëson letrën e tij dhe shpreson që të shërohet sa më shpejtë./revistawho.com