Çifti i njohur Ryan Reynolds dhe Blake Lively së fundmi janë bërë prindër për të tretën herë. Ata kanë qenë gjithmonë shumë të rezervuar në lidhje me publikimin e familjes së tyre për shkak se duan që ata të kenë një fëmijëri normale. Së fundmi aktori ka thyer akullin dhe ka publikuar një foto të vogëlushes që erdhi në jetë gjatë pushimeve verore. Blake dhe Ryan shihen në pyllin e Kanadasë së bashku me vajzën, duke thënë se dëshiron që familja e tij të shijojë të njëjtën natyrë si ai kur ka qenë i vogël. Lively e mbajti të fshehtë shtatzëninë deri ditën e premierës së filmit të ri të Pikachu në Maj të 2019, gjatë të cilës u shfaq me barkun e rrumbullakosur dhe i surprizoi të gjithë. Ajo solli në jetë vajzën e saj të dytë gjatë verës dhe nuk e zbuluan për publikun deri në muajin e saj të katërt. Ryan dhe Blake janë njohur gjithmonë si shumë diskretë përsa i përket jetës së tyre personale.
