Ditën e sotme dukesha Kate Middleton feston 37-vjetorin e lindjes dhe është ditëlindja e saj e shtatë si pjesëtare e familjes mbretërore. Pallati mbretëror nuk harroi të falënderonte të gjithë fansat e Kate për mesazhet e shumta. “Faleminderit të gjithë për mesazhet tuaja të dashura për ditëlindjen e Dukeshës së Kembrixh”, – shkruhej në postimin e ‘Kensington Palace’ në ‘Twitter’.
Vitin e kaluar Kate u detyrua të qëndronte në shtëpi, duke qenë se ishte shtatzënë, por edhe këtë herë festimet do të jenë të thjeshta për ditëlindjen e saj. Një pjesë të ditës ajo do ta kalojë pa princin William, duke qenë se atij i duhet të jetë i pranishëm në një event për punët e mbretërisë.
Kështu Kate Middleton do të festojë në privatësi me miqtë, familjarët dhe tre fëmijët e saj. /revistawho.com
