Këngëtari Justin Bieber është gjithmonë në qendër të vëmendjes së mediave për jetën e tij private dhe së fundmi thashethemet që kanë qarkulluar flisnin për një shtatzëni të bashkëshortes së tij. Sipas prestigjiozes amerikane “Us Weekly”, bashkëshortja e Bieber-it, modelja Hailey Baldwin është në pritje të ëmbël dhe së shpejti çifti do bëhen prindër.
Këtë lajm e ka hedhur poshtë vetë Baldwin me një postim në Instagram ku shkruan se ajo nuk është shtatzënë dhe i kërkon medias në fjalë të mos shpërndajë lajme të rreme. “Nuk jam shtatzënë! Ju lutem ndaloni së shkruari lajme të rreme nga “burimet” tuaja dhe përqendrohuni në ato që janë të rëndësishme si zgjedhjet për shembull”-shkruajti modelja.
Kujtojmë që Justin dhe Hailey u martuan në vitin 2018 me një dasmë private, larg syrit të mediave e paparacëve.
